Guðrún Sigurðardóttir
Guðrún
Sigurðardóttir er borinn og barnfæddur Víkari. Hún er náttúrubarn í
listsköpun og hefur farið ótroðnar slóðir í þeim efnum. Fyrir nokkrum
árum kynntist hún leirnum og var það "ást við fyrstu sýn", enda leikur
leirinn í höndunum á henni. Í stað þess að fara hinar hefðbundnu
leiðir í leirvinnslu hefur Guðrún þróað sína eigin tækni í meðhöndlun á
mold, sandi og vikri. Einnig notast hún við lífræn efni sem hún lætur
brenna inn í leirinn. Á síðari árum hefur Guðrún farið út í vinnslu
á gleri sem tekur jafn einföld og hrein form í höndum hennar. Hún sótti
glerlistarnámskeið hjá Glit og hjá Detlef, en lætur ekki þar við sitja og er ófeimin við að
gera sínar eigin tilraunir í brennslu allskonar efna með glerinu.
Bæði leir- og glermunir Guðrúnar bera þess merki að hér er um að
ræða listakonu sem lifir sig inn í efniviðinn sinn og vinnur hvern
hlut af einlægum áhuga og ást til listar sinnar.